ரஜினி கட்சிக்கு ஆட்டோ சின்னம்?
Posted on 15/12/2020
வருகிற ஜனவரி மாதம் கட்சி தொடங்கப்போவதாகவும் டிசம்பர் 31 ஆம் தேதி அதுகுறித்த அறிவிப்பை வெளியிடப்போவதாகவும் நடிகர் ரஜினிகாந்த் அறிவித்துள்ளார்.
மேலும் கட்சியின் மேற்பார்வையாளராக தமிழருவி மணியன், தலைமை ஒருங்கிணைப்பாளராக அர்ஜூன மூர்த்தியையும் நியமித்துள்ளார்.
இந்நிலையில், நடிகர் ரஜினிகாந்த் ‘மக்கள் சேவை கட்சி’ என்ற பெயரில் புதிய கட்சியை தேர்தல் ஆணையத்தில் பதிவு செய்துள்ளதாக தகவல் வெளியாகி உள்ளது.
தமிழகத்தில் 234 தொகுதிகளிலும் பாபா முத்திரை சின்னத்தை கேட்ட நிலையில் மக்கள் சேவை கட்சிக்கு ஆட்டோ சின்னம் ஒதுக்கப்பட்டுள்ளதாக தகவல் வெளியாகி உள்ளது. மக்கள் சேவை கட்சியின் தலைவரின் முகவரி சென்னை எர்ணாவூர் என குறிப்பிடப்பட்டுள்ளது.