ஸ்விட்சர்லாந்தில் “புர்கா” அணிய தடை!
Posted on 10/03/2021
சுவிட்சர்லாந்து நாட்டின் கலாசாரத்தின்படி மக்கள் பொது இடங்களில் தங்கள் முகத்தைக் காட்ட வேண்டும், அதுவே நம் அடிப்படை உரிமை என்றும் இச்சட்டத்தை முன்மொழிந்த வால்டர் வோப்மேன் தெரிவித்தார். மேலும், முகத்தை முழுவதுமாக மறைக்கும் ஆடைகளை அணிவது தீவிர அடிப்படைவாத இஸ்லாத்தின் சின்னம் என்றும் இதற்கு சுவிட்சர்லாந்தில் இடமில்லை என்றும் அவர் தெரிவித்தார்.
இந்தச் சட்டம் தொடர்பாக நாடாளுமன்றத்தில் கடந்த ஓர் ஆண்டாக விவாதம் நடைபெற்றது. அதைத் தொடர்ந்து இது குறித்து மக்களிடம் பொது வாக்கெடுப்பு நடத்த முடிவு செய்யப்பட்டது. சுவிட்சர்லாந்து அரசே இந்த சட்டத்திற்கு எதிராக வாக்களிக்குமாறு கேட்டுக்கொண்டது. இருப்பினும் இதில் முகத்தை முழுவதுமாக மறைக்கும் ஆடைகளை தடை செய்ய ஆதரவாக 51.2% பேரும் எதிராக 48.8% பேரும் வாக்களித்துள்ளனர்.
