முதல் டெஸ்டில் வங்காளதேச அணி முதல் இன்னிங்சில் 430 மற்றும் 2-வது இன்னிங்சில் 8 விக்கெட்டு இழப்புக்கு 223 ரன்களும் எடுத்தது.

 

வெஸ்ட் இண்டீஸ் அணி முதல் இன்னிங்சில் 259 ரன்கள் எடுத்தது.  2-வது இன்னிங்சில் 395 ரன்கள் எடுத்தால் வெற்றி என்ற இலக்கை நோக்கி விளையாடியது. 

 

போட்டியின் இறுதி நாளில் அந்த அணி வீரர்கள் அதிரடியாக விளையாடினர். வெஸ்ட் இண்டீசில் அறிமுக வீரராக விளையாடிய கைல் மேயர்ஸ் ஆட்டமிழக்காமல் 210 ரன்களை குவித்து அணியின் வெற்றிக்கு உதவி புரிந்தார். இதனால், வெஸ்ட் இண்டீஸ் 1-0 என்ற கணக்கில் தொடரில் முன்னிலை வகிக்கிறது. 

 

இந்நிலையில், டெஸ்ட் வரலாற்றில் 4-வது இன்னிங்சில் அதிக ரன்களை சேசிங் செய்து 5-வது முறையாக வெற்றி பெற்றதற்கு வெஸ்ட் இண்டீஸ் அணிக்கு வாழ்த்துகள் குவிந்து வருகின்றன.