இசைப்புயல் ஏ ஆர் ரகுமானின் தாயார் மறைவு
Posted on 28/12/2020
இசைப்புயல் ஏ ஆர் ரகுமானின் தாயார் கரீமா பேகம் உடல்நல குறைவின் காரணமாக சென்னையில் காலமானார்.
மறைந்த தமிழ் மற்றும் மலையாள திரையுலக இசை அமைப்பாளர் ஆர்கே சேகர் என்பவரின் மனைவியும், இசைப்புயல் ஏ ஆர் ரஹ்மானின் தாயாருமாகிய கரீமா பேகம் உடல்நல குறைவின் காரணமாக சென்னையில் காலமானார்.
65 வயதை கடந்த இவர், சில மாத காலமாக உடல் நலம் இல்லாமல் வீட்டிலேயே சிகிச்சை பெற்று வந்தார். இன்று மதியம் 2 மணி அளவில் இயற்கை எய்தினார்.
இசைப்புயல் ஏ ஆர் ரகுமான் தன் தாயார் மீது அளவுகடந்த பக்தியும் அன்பும் மிகுந்தவர். தன்னுடைய வழிகாட்டி தன்னுடைய தாயார் தான் என பொதுவெளியில் பல முறை மனம் திறந்து தெரிவித்திருக்கிறார் ஏ ஆர் ரகுமான். அவருக்கு சர்வதேச நாடுகளிலிருந்து ஏராளமான இசை உலக பிரபலங்கள் தங்களது இரங்கல்களை இணையதளம் மூலம் தெரிவித்து வருகிறார்கள்.