WABetaInfo இன் அறிக்கையின்படி, வாட்ஸ்அப் ஈமோஜி எதிர்வினையைப் புதுப்பிக்கத் தொடங்கியுள்ளது. புதிய ஈமோஜி எதிர்வினை அம்சத்தை ஆண்ட்ராய்டின் பீட்டா பதிப்பு 2.22.8.3 இல் காணலாம், இருப்பினும் பீட்டாவில் இது தேர்ந்தெடுக்கப்பட்ட பயனர்களுக்கு மட்டுமே கிடைக்கும்.

 

இந்த செயலியில் வாய்ஸ் கால், வீடியோ கால், வாய்ஸ் மெசேஜ் உள்ளிட்ட பல அம்சங்கள் இடம்பெற்றுள்ளன. இந்நிலையில் தற்போது வாட்ஸ்ஆப்பில் மெசேஜ்ஜுக்கு பதில் சொல்லாமல் ரியாக்ட் செய்யும் அம்சமும் இடம்பெற்றுள்ளது. இதன்படி நமக்கு வந்திருக்கும் மெசேஜ்ஜை அழுத்தி பிடித்தால் ஃபேஸ்புக்கில் இருப்பது போலவே 6 எமோஜிக்கள் காட்டப்படும். இதில் நமக்கு எது தேவையோ அதை கிளிக் செய்து ரியாக்ட் செய்யலாம். தற்போது பீட்டா பயனர்களுக்கு மட்டும் வழங்கப்பட்டிருக்கும் இந்த அம்சம் விரைவில் அனைவருக்கும் கிடைக்கவுள்ளது. புதிய அப்டேட்டிற்குப் பிறகு, பயனர்கள் லைக், லவ், சிரி, ஆச்சரியம், சோகம் மற்றும் நன்றி என மொத்தம் ஆறு ஈமோஜி ரியாக்ஷன்களைப் பெறுவார்கள், இருப்பினும் பயனர்கள் அதைத் தனிப்பயனாக்கும் வசதியைப் பெறுவார்களா இல்லையா என்பது குறித்து தற்போது எந்தத் தகவலும் கிடைக்கவில்லை. ஆண்ட்ராய்டுக்கு கூடுதலாக டெஸ்க்டாப் மற்றும் iOS க்கும் ஈமோஜி ரியாக்ஷன் வரும் என்று WABetaInfo ட்வீட் செய்துள்ளது. இந்த மெசேஜ் ரியாக்ட் அம்சத்தை டெஸ்க்டாப் வாட்ஸ்ஆப் வெப்பிற்கும் அறிமுகம் செய்ய அந்நிறுவனம் திட்டமிட்டு வருகிறது.