புதிய ஹூவாய் பேண்ட் 6 சாதனம் மலேசியாவில் அறிமுகம்!
Posted on 05/04/2021
சீன நிறுவனத்திடமிருந்து புதிய ஹூவாய் பேண்ட் 6 சாதனம் மலேசியாவில் வெள்ளிக்கிழமை அறிமுகப்படுத்தப்பட்டது. இந்த பேண்ட் ஒரு பெரிய AMOLED டிஸ்ப்ளேவைக் கொண்டுள்ளது மற்றும் இரண்டு வாரங்கள் வரை நீடித்து நிலைக்கும் பேட்டரி ஆயுளை கொண்டுள்ளது என்று கூறப்பட்டுள்ளது. புதிய பிட்னெஸ் பேண்ட் இதய துடிப்பு, தூக்க கண்காணிப்பு, எஸ்பிஓ 2 (இரத்த-ஆக்ஸிஜன்), மன அழுத்த கண்காணிப்பு போன்ற பிரீமியம் அம்சங்களுடன் வருகிறது.
ஹூவாய் பேண்ட் 6 இல் 96-க்கும் மேற்பட்ட ஒர்க்அவுட் மோடுகள் வழங்கப்படுகின்றன, மேலும் இது உள்வரும் அழைப்புகள் மற்றும் மெசேஜ்களுக்கான மொபைல் நோட்டிபிகேஷன் அறிவிப்புகளையும் உங்களுக்கு காண்பிக்கிறது. புதிய ஹூவாய் பேண்ட் 6 மலேசிய சந்தையில் RM 219 விலையில் அறிமுகம் செய்யப்பட்டுள்ளது. இந்த சாதனம் அம்பர் சன்ரைஸ், ஃபாரஸ்ட் கிரீன் மற்றும் கிராஃபைட் பிளாக் கலர் விருப்பங்களில் வருகிறது.
மலேசியாவில் ஏப்ரல் 4, ஞாயிற்றுக்கிழமை முதல் அதிகாரப்பூர்வ ஹூவாய் ஆன்லைன் ஸ்டோரில் ஹூவாய் பேண்ட் 6 விற்பனைக்குக் கிடைக்கும் என்று நிறுவனம் அறிவித்துள்ளது. மற்ற சந்தைகளில் இந்த புதிய பிட்னெஸ் பேண்ட் எப்போது கிடைக்கும் என்பது பற்றிய தகவல்கள் இன்னும் அறிவிக்கப்படவில்லை. தற்போதைய நிலவரப்படி இந்திய சந்தையில் இந்த புதிய சாதனம் விரைவில் அறிமுகம் செய்யப்படும் என்று தெரிவிக்கப்பட்டுள்ளது.
