கூகுளின் ஐ/ஒ வருடாந்திட டெவலப்பர் நிகழ்வு!
Posted on 09/04/2021
கூகுள் நிறுவனம் தனது கூகுள் I/O வருடாந்திர டெவலப்பர் நிகழ்வு மே 18 துவங்கி மே 20 வரை நடைபெறும் என அறிவித்து இருக்கிறது. இந்த ஆண்டு டெவலப்பர் நிகழ்வு விர்ச்சுவல் முறையில் நடைபெறுகிறது. இதில் அனைவரும் இலவசமாக கலந்து கொள்ளலாம்.
வழக்கமாக கூகுள் தனது டெவலப்பர்கள் நிகழ்வில் புதிய ஆண்ட்ராய்டு வெர்ஷனை வெளியிடும். மூன்று நாட்கள் நடைபெறும் நிகழ்வில் கூகுள் வழங்கும் மென்பொருள் சேவைகள் பற்றி டெவலப்பர்களுடன் விவாதங்கள், உரையாடல்கள் நடைபெறும்.
இவற்றுடன் இந்த ஆண்டு கூகுள் நிறுவனம் ஹார்டுவேர் சாதனங்களான மேம்பட்ட பிக்சல் பட்ஸ் மற்றும் பிக்சல் 5ஏ உள்ளிட்டவைகளை அறிமுகம் செய்யலாம் என எதிர்பார்க்கப்படுகிறது. கடந்த ஆண்டு கூகுள் I/O நிகழ்வு கொரோனாவைரஸ் பாதிப்பு காரணமாக ரத்து செய்யப்பட்டது. மேலும் ஆன்லைன் மூலமாகவும் இந்த நிகழ்வு நடத்தப்படவில்லை.
