திருமங்கலத்தில் ஜெயலலிதாவிற்கு கோயில்!
Posted on 09/01/2021
மதுரை மாவட்டம், திருமங்கலம் சட்டமன்ற தொகுதிக்கு உட்பட்ட டி.குன்னத்தூரில் மறைந்த முதல்-அமைச்சர் ஜெயலலிதாவுக்கு அமைச்சர் ஆர்.பி. உதயகுமார் கோவில் கட்டி உள்ளார். இந்த கோவிலில் எம்.ஜி.ஆர்., ஜெயலலிதா சிலைகள் வைக்கப்பட்டுள்ளது. இந்த கோவிலின் திறப்பு விழா வரும் 30-ந்தேதி நடக்க உள்ளது.
இந்த விழா தொடர்பாக முதல்-அமைச்சர் எடப்பாடி பழனிசாமியை அமைச்சர்கள் ஆர்.பி.உதயகுமார், செல்லூர் ராஜூ, எம்.எல்.ஏ.க்கள் ராஜன் செல்லப்பா, மாணிக்கம் ஆகியோர் நேற்று சந்தித்து அழைப்பிதழை வழங்கினர்.