கே.எல். ராகுலின் திருமணம் எப்போது?
Posted on 13/05/2022
கே.எல். ராகுலுக்கும் தனது மகளுக்கும் எப்போது திருமணம் நடக்கும் என்பது குறித்து நடிகர் சுனில் ஷெட்டி பேசியுள்ளார்.
இந்திய கிரிக்கெட் அணியின் தொடக்க ஆட்டக்காரர் கே.எல். ராகுல். இவர் ஐபிஎல்லில் லக்னோ சூப்பர் ஜெயண்ட்ஸ் அணிக்கு கேப்டனாக சிறப்புடன் செயல்பட்டுவருகிறார்.
இவரும், நடிகர் சுனில் ஷெட்டியின் மகள் அத்தியாவும் கடந்த சில வருடங்களாக காதலித்துவருகின்றனர். ஆனால் இவர்களது திருமணம் எப்போது என்பது குறித்த அதிகாரப்பூர்வ தகவல் இதுவரை வெளிவரவில்லை.
இந்நிலையில் ராகுல் - அத்தியா திருமணம் எப்போது என்பது குறித்து அத்தியாவின் தந்தை சுனில் ஷெட்டியிடம் கேள்வி எழுப்பப்பட்டது.
அப்போது பேசிய அவர், “கே.எல். ராகுலை எனக்கு பிடிக்கும். எனது மகள் எப்படி இருந்தாலும் ஒரு நேரத்தில் திருமணம் செய்துதான் ஆக வேண்டும். அவர்கள் இருவருக்கும் விரைவாக திருமணம் நடைபெற்றால் சிறப்பாக இருக்கும்.
இருந்தாலும் அது அவர்களுடைய விருப்பம்தான். அவர்களது எனது ஆசீர்வாதம் எப்போதும் இருக்கும்ராகுலும், அத்தியாவும் எந்த முடிவு எடுத்தாலும் கவலை இல்லை” என்றார்.
Tags: News
