ஒருநாள் தொடரில் வங்கதேசம் வென்றது!
Posted on 21/01/2021
வங்காளதேசத்துக்கு சென்றுள்ள வெஸ்ட் இண்டீஸ் கிரிக்கெட் அணி 3 போட்டிகள் கொண்ட ஒரு நாள் தொடரில் ஆடுகிறது. இதன் முதலாவது ஒரு நாள் போட்டி டாக்காவில் நேற்று நடந்தது. கொரோனா அச்சத்தால் வெஸ்ட் இண்டீஸ் அணியில் முன்னணி வீரர்கள் விலகியதால் இந்த ஆட்டத்தில் 6 புதுமுக வீரர்கள் இறக்கப்பட்டனர். முதலில் பேட் செய்த வெஸ்ட் இண்டீஸ் 32.2 ஓவர்களில் 122 ரன்னில் சுருண்டது. அதிகபட்சமாக அறிமுக வீரர் கைல் மேயர்ஸ் 40 ரன் எடுத்தார். வங்காளதேசத்துக்கு எதிராக வெஸ்ட் இண்டீஸ் அணியின் 2-வது குறைந்த பட்ச ஸ்கோர் இதுவாகும்.