ஆஸ்திரேலிய மகளிர் அணி கிரிக்கெட்டில் வென்றது!
Posted on 08/04/2021
நியூஸிலாந்து மகளிா் அணிக்கு எதிரான 2-ஆவது ஒருநாள் ஆட்டத்தில் ஆஸ்திரேலிய மகளிா் அணி 71 ரன்கள் வித்தியாசத்தில் வெற்றி பெற்றது.
இதையடுத்து, 3 ஆட்டங்கள் கொண்ட ஒருநாள் தொடரை அந்த அணி தற்போது 2-0 என தன் வசப்படுத்தியுள்ளது.
நியூஸிலாந்தில் புதன்கிழமை நடைபெற்ற இந்த ஆட்டத்தில் முதலில் பேட் செய்த ஆஸ்திரேலியா 50 ஓவா்களில் 7 விக்கெட் இழப்புக்கு 271 ரன்கள் அடித்திருந்தது. அடுத்து ஆடிய நியூஸிலாந்து 45 ஓவா்களில் 200 ரன்களுக்கு ஆட்டமிழந்தது. ஆஸ்திரேலிய வீராங்கனை ரேச்சல் ஹேய்னஸ் ஆட்டநாயகியானாா்.