புதிய 2000 ரூபாய் நோட்டை தொடர்ந்து புதிய 500 ரூபாய் நோட்டுகள் - இன்று முதல்
Posted on 14/11/2016
பழைய 500, 1000 ரூபாய் நோட்டுகள் தடை செய்யப்பட்டதை அடுத்து புதிய 500 ரூபாய் நோட்டுகள் புழக்கத்திற்கு வந்துள்ளது. கடந்த 8ம் தேதி பிரதமர் மோடி அவர்கள் கருப்புப்பணத்தை ஒழிக்கும் முதல் நடவடிக்கையாக நாடு முழுவதும் 500 மற்றும் 1000 ரூபாய் நோட்டுகள் தடை செய்யப்படுவதாக அறிவித்தார்.
அதனைத்தொடர்ந்து மக்கள் பெரும் இன்னல்களை சந்தித்து வருகின்றனர். சில்லறை தட்டுப்பாட்டால் தேசமே ஸ்தம்பித்து வருகிறது. பழைய ரூபாய் நோட்டுகளுக்கு பதிலாக புதிதாக 2000 ரூபாய் நோட்டுகள் அறிமுகப்படுத்தப்பட்டுள்ளன. ஆனால் அந்த 2000 ரூபாய் நோட்டுக்கும் சில்லறை கிடைப்பது கடினமாக உள்ளது. அதனால் விரைவில் புது 500 ரூபாய் நோட்டுகளை புழக்கத்தில் விட வேண்டும் என்று பொதுமக்கள் கோரிக்கை விடுத்திருந்தனர்.
இதனையடுத்து டெல்லி மற்றும் போபாலில் நேற்று முதல் புதிய 500 ரூபாய் நோட்டுகள் புழக்கத்திற்கு வந்தன. தமிழகம் மற்றும் மற்ற பகுதிகளில் இன்று முதல் புதிய 500 ரூபாய் நோட்டுகள் அறிமுகப்படுத்தப்பட உள்ளன. மகாராஷ்டிர மாநிலம் நாசிக்கில் முதல் கட்டமாக 50 லட்சம் 500 ரூபாய் நோட்டுகள் அச்சடிக்கப்பட்டு நாடு முழுவதும் அனுப்பப்பட்டுள்ள நிலையில், அடுத்தகட்டமாக புதன் கிழமை 50 லட்சம் 500 ரூபாய் நோட்டுகளை புழக்கத்தில் விட அரசு திட்டமிட்டுள்ளது.
Tags: News, Lifestyle, Art and Culture
