புதிய ரூ.50... கவலை வேண்டாம்... பழைய ரூ.50 நோட்டும் செல்லும்...!

புதிய ரூ.50... கவலை வேண்டாம்... பழைய ரூ.50 நோட்டும் செல்லும்...!

கடந்த ஆண்டு பணமதிப்பிழப்பு விவகாரத்தில், ரூ.500 மற்றும் ரூ.1000 நோட்டுக்கள் செல்லாது என்று அறிவிக்கப்பட்டது. இதையடுத்து புதிய ரூ.500 மற்றும் ரூ.2000 நோட்டுக்கள் வெளியிடப்பட்டன.

இந்நிலையில் ஒளிரும் நீலநிற புதிய ரூ.50 நோட்டுக்களின் படங்கள் சமூக வலைத்தளங்களில் வைரலாகி வருகின்றன. இதுகுறித்து பல்வேறு கருத்துக்கள் வெளியாகிக் கொண்டிருக்கும் சூழலில், ரிசர்வ் வங்கி சார்பில் புதிய ரூ.50 நோட்டுக்கள் வெளியிடப்படும் என்று தெரிவிக்கப்பட்டுள்ளது. இதற்கிடையில் பழைய ரூ.50 நோட்டுக்களும் செல்லும் என்று கூறப்பட்டுள்ளது. புதிய நோட்டு 66மிமீ x 135மிமீ அளவில் இருக்கும். இதன் உயரம் புதிய ரூ.500 மற்றும் ரூ.2000 நோட்டை ஒத்தே இருக்கும்.

புதிய நோட்டில் இருக்கும் சிறப்பம்சம் ஹம்பி கோவில் தேரின் படம். மேலும் ஸ்வச் பாரத் இந்தியாவின் லோகா ஒருபுறம் இடம்பெற்றுள்ளது. இதுதொடர்பாக கடந்த வெள்ளிக்கிழமை அன்று, ரிசர்வ் வங்கி அதிகாரப்பூர்வ அறிவிப்பு வெளியிட்டது. அதில் ரூ.50 நோட்டின் பாதுகாப்பு அம்சங்கள் குறித்து விளக்கியது. அதன்படி, RBI, Bharat(தேவ நாகரி மொழியில்), INDIA, 50 ஆகியவை மிகச்சிறிய அளவில் இடம்பெற்றிருக்கும்.

ஒரே மதிப்பீட்டில் இருக்கும் இருவிதமான ரூபாய் நோட்டுக்கள் ஏடிஎம்களில் இருந்து கிடைப்பதில் சிக்கல் இருப்பதாக கூறப்படுகிறது. இருப்பினும் இதனால் எந்தவித சிக்கலும் ஏற்படாது என்று என்.சி.ஆர் இந்தியாவின் சி இ ஓ நவ்ரோஸ் டஸ்டர் கூறியுள்ளார்.

Tags: News, Madurai News, Art and Culture

எங்களைப்பற்றி

மதுரையில் உள்ள தமிழ் வாசகர்கள் செய்திகளை உடனடியாகவும் எளிதாகவும் படிக்கும் வகையில் நவீன தொழில் நுட்ப வசதிகளுடன்...
More

தொடர்பு கொள்ள

Madurai Address:
Plot No. 22, Sri Meenakshi Garden, Visalakshipuram Main Road, Reserve Line, Madurai-14, Tamilnadu, India.

Back to Top