வதந்திகளை தவிடுபொடியாக்கிய விஷால்-வரலட்சுமி
Posted on 29/05/2017
விஷால், மீரா ஜாஸ்மின் நடிப்பில் லிங்குசாமி இயக்கத்தில் கடந்த 2005ஆம் ஆண்டு வெளியாகி நல்ல வெற்றியை பெற்ற படம் 'சண்டக்கோழி'. இந்த நிலையில் விரைவில் இந்த படத்தின் இரண்டாம் பாகத்தின் படப்பிடிப்பு தொடங்கவுள்ளது.
இந்த படத்தில் விஷாலுக்கு ஜோடியாக கீர்த்திசுரேஷ் நடிக்கவுள்ளார். மேலும் இந்த படத்தில் முதல் பாகத்தில் நடித்த ராஜ்கிரண் மற்றும் மீரா ஜாஸ்மின் ஆகியோர்களும் முக்கிய வேடத்தில் நடிக்கவுள்ளதாக கூறப்படுகிறது.
இந்த நிலையில் இந்த படத்தின் இன்னொரு முக்கிய கேரக்டரில் வரலட்சுமி சரத்குமார் நடிக்கவுள்ளதாகவும், அவர் இந்த படத்தில் நெகட்டிவ் கேரக்டரில் நடிக்கவுள்ளதாகவும் செய்திகள் வெளிவந்துள்ளது. ஏற்கனவே விஷால், வரலட்சுமி ஆகியோர் இணைந்து 'மதகஜ ராஜா' என்ற படத்தில் நடித்திருந்தாலும், அந்த படம் ஒருசில காரணங்களால் ரிலீஸ் ஆகவில்லை என்பது குறிப்பிடத்தக்கது.
மேலும் கடந்த சில வருடங்களாக விஷால், வரலட்சுமி காதலித்து வந்ததாகவும், பின்னர் திடீரென இருவருக்கும் இடையே பிரேக்-அப் ஏற்பட்டதாகவும் வதந்திகள் வெளிவந்து கொண்டிருக்கும் நிலையில் இருவரும் ஒரே படத்தில் இணைந்து நடித்து அனைத்து வதந்திகளையும் தவிடுபொடியாக்கவுள்ளனர் என்பது குறிப்பிடத்தக்கது.
Tags: News, Hero, Star
