குக் வித் கோமாளி புகழுக்கு அடித்திருக்கும் ஜாக்பாட்!
Posted on 09/02/2021
தற்போது சின்னத்திரையில் இருந்து தமிழ் சினிமாவில் காலடி எடுத்து வைக்க இருக்கிறார் புகழ். அவர் அஜித்தின் வலிமை மற்றும் அருண் விஜய் - ஹரி கூட்டணியில் உருவாகும் படம் ஆகியவற்றில் நடிக்க இருக்கிறார் என ஏற்கனவே தகவல் வெளியாகி இருந்தது.
இந்நிலையில் புகழுக்கு பெரிய ஜாக்பாட் அடித்து இருக்கிறது என சொல்லும் அளவுக்கு ஒரு பிரம்மாண்ட படத்தில் நடிக்கும் வாய்ப்பு கிடைத்திருக்கிறது. அவர் நடிகர் விஜய்யின் அடுத்த படமான தளபதி 65ல் நடிக்கப்போகிறார் என தகவல் வெளியாகி இருக்கிறது. இதனால் புகழ் ரசிகர்கள் கொண்டாட்டத்தில் இருக்கிறார்கள். சமூக வலைத்தளங்களிலும் பாராட்டுகள் குவிந்து வருகிறது.
கோலமாவு கோகிலா மற்றும் டாக்டர் பட புகழ் இயக்குனர் நெல்சன் திலீப்குமார் இந்த படத்தினை இயக்க உள்ளார். சன் பிக்சர்ஸ் நிறுவனம் தான் மிக பிரம்மாண்டமாக தயாரிக்கிறது. கத்தி, மாஸ்டர் ஆகிய படங்களுக்கு பின் அனிருத் தளபதி 65க்கு இசையமைக்க உள்ளார்.