முதல்ல நல்லா நடிங்க... அப்புறம் அரசியலுக்கு வராத பத்தி யோசிக்கலாம்...
Posted on 04/10/2017
விஜய் முதலில் நல்ல படங்களை தேர்வு செய்து நடிக்கட்டும் எனவும், அதன்பின்னர் அரசியலுக்கு வருவது பத்தி யோசிக்கலாம் எனவும் நடிகர் கமல்ஹாசன் அறிவுரை வழங்கியுள்ளார்.
தமிழக அரசியலில் நடிகர் கமல்ஹாசன் தீவிரமாக இறங்கி விட்டார். கட்சி, சின்னம், கொடி என அனைத்தையும் இறுதி செய்யும் பணிகளில் தற்போது அவர் ஈடுபட்டிருக்கிறார். இந்த நிலையில் அனைத்து தொலைக்காட்சிகளுக்கும் அதிரடி பேட்டிகளை அளித்து வரும் கமல்ஹாசன், தமிழக அரசியல் தலைவர்களை கலங்கடித்து வருகிறார்.
இந்த நிலையில் இன்று தனியார் தொலைக்காட்சிக்கு பேட்டியளித்த கமல், விஜய் அரசியலுக்கு வந்தால் உங்களுக்கு போட்டியாக இருப்பாரா என்ற கேள்விக்கு விஜய் முதலில் நல்ல கதையுள்ள படங்களை தேர்வு செய்து நடிக்கட்டும், அதன் பிறகு அரசியலுக்கு வருவது பற்றி யோசிக்கலாம் என்று நடிகர் விஜய்க்கு அறிவுரை வழங்கியுள்ளார். மேலும் இது விஜயிடம் தனியாக கூறினால், அவர் உதாசினப்படுத்திவிடுவார் என்றே ஊடகங்களின் முன் சொல்வதாக நடிகர் கமல்ஹாசன் தெரிவித்தார்.
Tags: News, Hero, Star
