பாளையங்கோட்டை சிறைச்சாலையில் கருணாநிதிக்கு நினைவு சின்னம்!
Posted on 04/08/2022
சென்னை மெரினாவில் முன்னாள் முதல்வர் கருணாநிதிக்கு பேனா சிலை வைக்க வேண்டும் என தமிழக அரசு திட்டமிட்டு இருக்கும் நிலையில் தற்போது பாளையங்கோட்டை சிறைச்சாலையில் கருணாநிதிக்கு நினைவுச்சின்னம் அமைக்க திட்டமிடப்பட்டு இருப்பதாக அமைச்சர் ரகுபதி அவர்கள் தெரிவித்துள்ளார்.
முன்னாள் திமுக தலைவரும் முன்னாள் முதல்வருமான கருணாநிதியின் நினைவாக சென்னை மெரினாவில் வங்கக்கடலில் 134 அடிக்கு அவரது பேனா சிலை வைக்க தமிழக அரசு முயற்சித்து வருகிறது.
இதற்கு பாஜக உள்ளிட்ட ஒரு சில கட்சிகள் எதிர்ப்பு தெரிவித்து வருகின்றன. இந்த நிலையில் பாளையங்கோட்டை சிறையில் கருணாநிதி அடைக்கப்பட்டிருந்ததை குறிப்பிடும் வகையில் பாளையங்கோட்டை சிறையில் ஒரு நினைவுச்சின்னம் அமைக்க இருப்பதாக அமைச்சர் ரகுபதி தெரிவித்துள்ளார்.
இன்று அவர் சிறையில் ஆய்வு மேற்கொண்ட பின்னர் செய்தியாளர்களை சந்தித்த போது இந்த தகவலை தெரிவித்தார் என்பது குறிப்பிடத்தக்கது.
Tags: News
